Helsestasjon for ungdom

Opningstider

Helsestasjon for ungdom (HFU) er eit tilbod til ungdom mellom 13 og 23 år (studentar). HFU er ein del av helsestasjonstenesta i kommunen.

Opningstida er torsdagar i partalsveker kl. 14.00-17.15.

Her kan du kome med det du ynskjer hjelp til

• Samtale om det som opptar DEG, t.d fysisk, psykisk og seksuell helse, mat, rus, kjønnsidentitet eller vald/overgrep.
• Prevensjonsrettleiing og utskriving av prevensjon
• Innsetting av p-stav
• Graviditetstest og rettleiing i samband med graviditet
• Gratis kondomar
• Sjølvtesting av seksuelt overførbare infeksjonar

Les meir om kva helsestasjon for ungdom (HFU) kan hjelpe deg med. Lenke til et annet nettsted, åpnes i nytt vindu.

Kven møter du ved helsestasjon for ungdom?

Hjå oss møter du menneske med ulik fagutdanning.

Helsesjukepleiar er sjukepleiar med vidareutdanning i helsefremjande og førebyggjande arbeid retta mot barn, unge og deira familiar.

Jordmor er sjukepleiar med vidareutdanning i svangerskapsomsorg/gravide og kvinnehelse.

Helsestasjonslegen er tilgjengeleg ein torsdag i månaden, ta gjerne kontakt for dato.

Det er gratis å bruke Helsestasjon for ungdom!

Du bestiller ikkje time, berre kom innom.   

Velkommen!