MØTE I TYSNES UNGDOMSRÅD
Fredag 22. januar, 18:00 - 20:30               
Kommunestyresalen, rådhuset i Uggdal.

Tilstade:
Alma Vermedal
Parya Sakhizade
Tora Nødland Austvik
Anna Haaland Haugsgjerd
Ingebjørg Wildhagen
Lars Kristoffer Meidell Alsaker
Ordførar Kåre Martin Kleppe
Kulturkonsulent Synnøve Bakke

Forfall:
Michelle Loftskjær
Brita Nødland Austvik
Iselinn Thunold
Milena Titoka

Inviterte gjester:
Susanna Heggland, kommunepsykolog Tysnes kommune

22. Leiar Ingebjørg Wildhagen ønsket alle velkommen til nytt møte i ungdomsrådet.

23. Innkalling ble godkjent.

24. Referatet frå forrige møte ble godkjent.

25. Dagsordenen ble godkjent.

26. Kommunepsykolog Susanna Heggland orienterte om prosjektet «Systematisk identifikasjon og oppfølging av sårbare barn». Kommunen har fått tilskot til å greie ut og systematisere arbeidet med å finne og hjelpe sårbare barn i kommunen. Hun ønskte a ungdomsrådet blei med i ei referansegruppe. Ungdomsrådet meinte dette var viktig arbeid og sa ja til å delta. Når prosjektleiar er på plass, vil hen ta kontakt med ungdomsrådet for å avtale vidare arbeid.

27. Oppfølging av saker frå møte i ungdomsrådet 04.11.20:

  • BOF ønskte innspel til utvikling av friluftsområda i kommunen. Dei lurte også på om det var eit ønskje om å arrangere leir på Tysnes, til dømes i sommarferien. Ingebjørg og Anna utarbeider  eit forslag til svar til neste møte.
  • Innspel til kva utstyr BUA skal kjøpe inn for vår/sommar-sesong. SOME-gruppa tar dette vidare og spør alle ungdommane på Tysnes kva dei ønskjer. SOME-gruppa lagar ei lita rapport til neste møte i ungdomsrådet.
  • Ønskje om kulturlokale/ope lokale for ungdommar. Ungdomsrådet ønskjer ta opp at arbeidet og kontakten det førre ungdomsrådet hadde med Tysnes ungdomslag , med tanke på å skipa til treff for ungdommar i Vonheim. Synnøve inviterer Tysnes ungdomslag til neste møte.
  • Invitere SIM igjen til neste møte om det let seg gjere med tanke på korona-situasjonen. Kåre Martin informerte om prosjektet «Plastsmarte byer og kommuner» i regi av WWF. 28. januar 2021 skal det vere ei lansering av prosjektet. Ingebjørg blir med på zoom. Meir informasjon om prosjektet: https://www.wwf.no/dyr-og-natur/hav-og-fiske/tiltak-mot-plast-i-havet/plastsmarte-byer-i-norge . Det blei diskutert moglege arrangement i samband med plastrydding, som grillfest osb.… Dette vil ein ta opp med SIM på møte.

28. «Hent meg» - tingingsbuss frå Skyss

Ungdomsrådet ønskte at kommunen jobbar vidare med Skyss om alternative ordningar for å betre kollektivtilbodet i kommunen. Om dette kjem i fom av «Hent meg» eller andre løysingar var ikkje avgjerande. Kåre Martin lova å skrive ei sak til kommunestyret om dette.

29. Ungdommens distriktspanel skal denne våren levere sine 10 forslag til framtidas distriktspolitikk. https://ungdomspanel.distriktssenteret.no/ Dei har laga 15 forslag, men treng hjelp for å plukke ut dei 10 som det er størst semje om blant ungdom i distrikta. Ingebjørg tek dette vidare til Tysnes skule og forsøker å få dette inn som ei del av undervisninga.

Samstundes vart det diskutert eit forslag frå Demografiutvalet som leverte sin rapport til regjeringa i desember 2020. Forslaget gjekk ut på å teste ut førarkort for 16-åringar i utvalde kommunar. Rådet gjekk samrøystes inn for at dei ikkje ønskte at Tysnes skulle vere ei pilotkommune. Trafikktryggleik var hovudgrunnen til dette. Kostnadane forbundet med å ta eit «førarkort» for dette blei også diskutert og det var semje om at mange ikkje ville ha råd til å delta i eit pilot-prosjekt.

30. Kino i Tysnes kommune

Det var semje i rådet om at ein ønskte at kino en startar opp igjen så snart som råd er. Det er Uggdal bygdelag som eig og driv kinoen i Grendatun. Ingebjørg og Anna tek kontakt med bygdelaget for å oppmoda om at kinoen snart må starta opp igjen.

31. Vestland ungdomsutval (VU) har teke kontakt og vil samle leiare og nestleiarar i Vestland slik at det er lettare å jobbe med felles saker. Ingebjørg og Anna tek kontakt og melder frå på neste møte korleis kontakten har vore.

32. Julebordet som blei arrangert for alle trinna på ungdomsskulen i desember 2020 var vellukka. Det var stor stemning og fornøgde gjestar. Litt trøbbel med nettet, men det ordna seg.

33. Ymse

  • SOME-gruppa jobbar vidare med planar for Instagram og Facebook. Kommunevåpen må skiftas på Facebook. Synnøve har det nye våpenet og kan sende det over når gruppa er klar til å publisere eit nytt profilbilde.
  • Rådet ønskte å få til møter like etter skuletid framfor på kveldstid. Dei som går på vidaregåande kan delta på Teams eller kan søkje til skulen om å få permisjon for å delta i politisk arbeid. Synnøve kan utstede attest som bekreftar utvalsarbeidet. 

34. Neste møte blir tysdag 9. februar på Tysnes skule frå 1400-1600. Brita og Michelle melder frå i forkant om dei vil vere med på Teams eller ønskjer søkje om permisjon frå skulen. Ingebjørg bestiller møterom på skulen.

26.01.2021
Synnøve Bakke
Skrivar