Tysnes kommune
Vonheim: Historien om ungdomshuset i Våge
Eit symbol på felleskap
Vonheim står i dag som eit symbol på felleskap, tradisjon og lokal identitet. Frå dugnadsarbeid til minneverdige arrangement, har hust vore ein uunnverleg del av Våge og Tysnes si historie. For kommande generasjonar vil Vonheim fortsette å vere ein stad der felleskap blir skapt, minner blir laga og tradisjonar blir halde i hevd.
Eit samlingspunkt gjennom generasjonar
I hjarta av Våge på Tysnes ligg Vonheim, ungdomshuset som har vore ein bauta i lokalsamfunnet i meir enn hundre år. Bygget, som opna dørene i 1924, vart reist av Tysnes Ungdomslag og har sidan vore ein arena for kultur, samhald og felleskap. Med si rike historie og kontinuerlege utvikling er Vonheim eit symbol på den dugnadsånda og entusiasmen som pregar bygda.
Etableringa av Vonheim
På byrjinga av 1900-talet vaks ønsket om å skape ein eigen møteplass for Tysnes Ungdomslag, som vart skipa i 1897. Etter langvarige diskusjonar om kvar huset skulle byggjast, var Våge valt som plassering. Bygginga starta i 1923, med arkitekt Torgeir Alvsaker som stod bak teikningane. Med handemakt og lokale krefter vart grunnarbeidet fullført, og det ferdige huset vart vigsla av sokneprest Øye året etter.
Vonheim vart raskt omtalt som eit av dei finaste ungdomshusa i Sunnhordland, og folk i bygda var stolte av sitt nye forsamlingshus. Det var meir enn eit bygg; det var eit samlingspunkt, ein stad der folk kunne møtast for å dele idear, feire høgtider og delta i aktivitetar.
Liv og aktivitet i Vonheim
Gjennom heile historia si har Vonheim vore fylt av liv og røre. Frå dei første åra har huset vore vertskap for eit rikt utval arrangement: konsertar, dansetilstellingar, revyar og teater. 17. mai-feiringar og haustfestar har vore årlege høgdepunkt, der både unge og eldre har deltatt. På ein olsokfest i 1924 held den tidlegare statsminsteren Christian Michelsen ein inspirerande tale som skapte nasjonal merksemd og sette Vonheim på kartet.
I etterkrigstida vaks huset si betydning som sosial arena, og mange minnest korleis ungdommane samla seg på Vonheim for dans og moro. ein som voks opp på Tysnes fortel:
Det var alltid noko som skjedde på Vonheim. Me fekk nye vener, hadde det moro og lært mykje av kvarandre."
Dugnadsånd og modernisering
Vonheim er eit resultat av dugnadsarbeid og samarbeid, og det same har prega utviklinga av bygget gjennom åra. På 1970- og 80-talet fekk huset ei etterlengta oppgradering, med nytt kjøkken og fleire funksjonelle løysingar. I dei seinare åra har ungdomshuset fått eit løft med moderne ventilasjonsanlegg, elektriske oppgraderingar og totalrenoverte rom.
Ein vktig del av fornyinga har vore å bevare den historiske sjela til Vonheim, samtidig som ein tilpassar bygget til moderne krav.
Det var anten å pusse opp eler gje huset opp. Me valde å satse.
seier dåverande leiar for Tysnes Ungdomslag Irene Dalland, ein av initiativtakarane bak oppgraderingsarbeidet.
Eit hus fylt med minner
For mange er Vonheim meir enn berre eit bygg - det er ein del av livshistoria deira. Gjennom generasjonar har huset vore eit rom for minneverdige augeblink. Nokon minnest sitt første ball, andre sitt bryllaup eller ein barnekonsert som gjorde inntrykk.
Eg trefte sambuaren min her, på ein etterfest etter Tysnesfest. Me dansa til langt på natt, og Vonheim vil alltid ha ein spesiell plass i hjartet mitt.
deler Dalland eit av minnene sine.
Hundreårsjubileet og framtida
I 2024 feira Vonheim sitt 100-årsjubileum, og festen var ei hyllest til huset si historie og rolla det har hatt i lokalsamfunnet. Det var ein kveld fylt med talar, musikk og dans, der folk samla seg for å mimre om gamle dagar og sjå framover.
Vonheim er meir enn berre eit hus - det er ein del av oss,
sa ein av dei som gjekk på scena for å takke for dei gode minna.
Med støtte frå både lokalsamfunnet og offentlege midlar er Vonheim no rusta for nye generasjonar. Planane fremover inkluderer å utvide aktivitetstilboda for ungdom, arrangere fleire kulturelle hendingar og sikre at huset blir ein attraktiv møteplass i mange år framover.
Vonheim er ikkje verre eit bygg - der er ein levande del av Tysnes si sjel.
Sist oppdatert