Hopp til toppmenyen på siden Hopp til hovedinnholdet på siden

Individuála plána - dearvvašvuođa- ja fuolahusbálvalusaid ja /dahje sosiálabálvalusaid koordineren

Dus lea riekti oažžut individuála plána jus du lea dárbu oažžut guhkilmas ja koordinerejuvvon bálvalusaid almmolaš veahkehanbálvalusas.

Govvádus

Dus lea riekti oažžut individuála plána jus du lea dárbu oažžut guhkilmas ja koordinerejuvvon bálvalusaid almmolaš veahkehanbálvalusas. Plána galgá sihkkarastit ahte lea álo soapmásis ovddasvástádus koordineremis  ja čuovvoleamis. Mii ávžžuhit du gii leat geavaheaddji aktiivvalaččat leat mielde čilgemis makkár bálvalusaid dárbbahat ja makkár sávaldagat ja ulbmilat dus leat.

Ulbmiljoavku

  • Obmot geat dárbbašit guhkilmas ja koordinerejuvvon dearvvašvuođa- ja fuolahusbálvalusaid ja/dahje sosiálabálvalusaide.
  • Gealbudahttinprográmmaid oasseváldit NAV:a bokte

Ovttasbargit

Jus dus lea dárbu sihke suohkana ja spesiáladearvvašvuođabálvalusaide (stáda), de lea sis geatnegasvuohta ovttasbarggu bokte ráhkadit dán plána.

Bagadus - mo čađahit dahje oažžut bálvalusa

Don dahje soames du oapmahaččain sáhttá vuolggahit barggu ráhkadit dutnje individuála plána, muhto váldoovddasvástádus plánaráhkadeapmái lea veahkehanbálvalusas.

Mildosat

Don fertet doaimmahanválddi/fápmudusa sáddet mielde jus lea soames eará gii ohca du ovddas.

Áššemeannudanáigi

Suohkan galgá meannudit ášši nu jođánit go vejolaš. Jus ášši ii sáhte mearriduvvot mánu sisa, de galggat čálalaš čilgehusa oaččut dan birra ja mii dasa lea ággan. Galggat seammás oažžut dieđihuvvot goas du ášši vurdo mearriduvvot.

Váidalanvejolašvuohta

Váidinriekti lea vuođđuduvvon guoskevaš lágain (geahča lágat ja njuolggadusat oasis). Fylkkamánni lea váidinásahus sosiálabálvaluslága mielde NAV:s ja Fylkka dearvvašvuođabearráigeahčču lea ges dearvvašvuođalágaid mielde váidinásahus.
Lea riekti individuála plána ektui maid sáhtát váidit. Muhto jus individuála plána ii govčča daid gáibádusaid maid dákkár plána galgá sisttisdoallat (geahča láhkaásahusa), de sáhtát maid váidit dan. Váidaga sáddet dan ásahussii suohkanis mii galgá meannudit ášši.

Tenesta oppdatert: 27.06.2022 09:29