Hopp til toppmenyen på siden Hopp til hovedinnholdet på siden

Erenoamáš birasdoaimmat eanandoalus (SMIL)

Govvádus

Sáhtát ohcat doarjaga gielddas erenomaš birasdoaimmaide eanandollui. Ulbmil lea ovddidit luonddu- ja kulturmuitoárvvuid eanandoalu kulturbirrasis ja geahpedit nuoskkideami mii vurdojuvvo lassin dan dábálaš eanandoalu doibmii.

Ulbmiljoavku

Doaibma dahje oamasteaddjit mat jođihit ja/dahje oamastit eanandoalloopmodaga. Eanandoalloopmodagat maid stáhta, fylka dahje gielddat oamastit ja jođihit šaddet olggobeallai dán ortnega jus doaibma ii leačča oktasašdoaibma gos okta dahje eanet doarjjavuoigaduvvon eanandoalloopmodagat leat mielde.

Kriterat/eavttut

Ohcit geat leat geatnegahtton doallat birasplána, galget mielddusin bidjat birasplána ceahkki 2. Jos galggat oažžut doarjaga, de biddjojuvvojit sierra birasgáibádusat.

Ovttasbargit

Gielda hálddaša jahkásaš doarjjameari mii boahtá Fylkkamánnis.

Lover

Gielda lea geatnegahtton lágidit dán bálvalusa. Geahča eanalága §§ 3 ja 18.

Jordlova
Forvaltningsloven
Forskrift om spesielle miljøtiltak i jordbruket

Bagadus - mo čađahit dahje oažžut bálvalusa

Deavddát ohcamuša maid oaččut Eanandoallodirektoráhtta (geahča vuolábealde). Gielda sáhttá bagadit du.

Áššemeannudeapmi

Gielda mearrida doarjjaáššiin ja vuoruha ohcamušaid mat čuvvot gieldda doaibmastrategiija. Jus leat ožžon doarjaga, máksojuvvo doarjja go čálalaččat bivddát dan ja go doaibma lea ožžon dohkkehuvvon loahpparehketdoalu. Sáhtát oažžut ovdalgihtii mávssu dohkkehuvvon duođaštusaid vuođul dađis go oasit doaimmain leat čađahuvvon.

Áššemeannudanáigi

Gielda galgá meannudit ášši nu fargga go vejolaš. Jos ášši ii leat meannuduvvon mánotbajis, de galggat oažžut čálalaš fástádusa mas sivva lea čilgejuvvon. Don galggat maiddái beassat diehtit goas lea vuordmis ahte mearrádus dahkko

Váidalanvejolašvuohta

Jus leat duhtatmeahttun mearrádusain, sáhtát guoddalit gildii ovdalgo golbma vahku leat vássán dan rájes go ožžot mearrádusa. Čilge manne leat duhtatmeahttun ja manne mearrádus galggašii rievdaduvvot. Jus dárbbašat veahkki, sáhtát váldit oktavuođa gielddain. Jus gielda doalaha mearrádusa, sáddejuvvo ášši viidáset fylkkamánnái, gii mearrida dohkkehuvvogo guoddaleapmi.

Tenesta oppdatert: 11.05.2020 12:50