Slik blir du betre førebudd på krise

Den landsomfattande Eigenberedskapsveka 2023 blir gjennomført frå måndag 30. oktober til søndag 5. november. På sikkerhverdag.no Lenke til et annet nettsted. ligg fire enkle øvingar som alle kan gjennomføre på mobilen. I tillegg blir det her gitt mange gode tips til korleis ein kan få dekt grunnleggjande behov i ein krisesituasjon.

Sjå kva du trenger!

I eigenberedskapsveka kan du sjå utstillingar med kva Direktoratet for samfunnssikkerhet og beredskap meiner at alle bør ha heime for å klare seg i minst tre døgn Lenke til et annet nettsted.. 

Me håper at me nar alle innbyggarane med den viktige bodskapen, du vil difor også finne brosjyrar i matbutikkane rundt i kommunen.
 

Du er ein del av beredskapen i Noreg

Ved store hendingar og kriser som rammar mange, kan ikkje alle få hjelp med ein gong. Då må styresmaktene prioritere hjelp til dei som treng det mest. 

Det vil seie at mange innbyggjarar må vere førebudde på å måtte klare seg sjølve i nokre dagar ved straumbrot, viss dei mistar tilgangen på reint drikkevatn, telefonnettet/Internett er nede – eller det blir vanskeleg å kome seg ut for å handle.

– Ved å vere førebudd bidrar du til at dei som treng det mest, får hjelp først i ein eventuell krisesituasjon. På den måten er du ein del av beredskapen i Noreg, Tommy René Stordal, assisterande rådmann og beredsskapsansvarleg.

Heile Noreg øver

Øving gjer meister. Det gjeld også for krisehandtering.

– Snakk med dei rundt deg om kva som kan skje, og korleis de skal handtere det. Øving skaper medvit og gir kunnskap og trening. Det gjer at me står betre rusta til å kome oss gjennom små og store kriser, seier brannsjef Torfinn Kongsvik.

Direktoratet for samfunnstryggleik og beredskap (DSB) anbefaler alle husstandar i landet å styrkje eigenberedskapen sin. Eigenberedskapsveka blir arrangert av DSB i samarbeid med kommunar, statsforvaltarar og sivilforsvarsdistrikt over heile landet.